صرخة موظفي شمال دارفور في وجه جبريل ومناوي: أين رواتبنا؟
دبايوا – خاص
13 يوليو 2026
رسالة مفتوحة للسادة حاكم اقليم دارفور ووالي ولایه شمال دارفور ووزیر المالیة الاتحادی
السلام عليكم ورحمة الله وبركاته
اخاطبكم وانتم جميعا من ابناء دافور
كلام بالدارجي بالغه المحليه (فضيحه ما يمسكيكم) ما تفعلونه امام موظفي الخدمه المدنيه لشمال دارفور بخوص المرتبات هذا شي لا يرضي الله ولا رسوله.
فعلا بعد سقوط ولاية شمال دارفور وتشرد المواطنين والموظفين ؛ وايراد من الولايه مافي الاتحادية بتدفع 60٪ من المرتبات ما قادرين يا جبريل ومناوي تدفعوا 40٪ لتكمله الرواتب.
ياتو ولايه من ولايات السودان مرتباتها زي مرتبات موظفين شمال دارفور' مافي مقارنة' ان المناصب لا تدوم طويلا' الموت في والقيامه في' انتم اذا كان قيادات عليا في الدوله تهمشو بلدكم وتدعو الآخرين بعدم التهميش كلامكم كلام الطير في الباقير.
وعليكم سداد متاخرات رواتب موظفي شمال دارفور لمده 15شهر يعني سنه وثلاثه شهور دي عندنا وعندنا بدلات وعلاوات من قبل الحرب وكل هذا معلق في رقبتكم الي ان نلتقي خفاة عرايا يوم لا بتفع مال ولابنون
مرتبات شمال دارفور تتفاوت علي حسب الدرجات في حدود 50 و60 و30 اكبر راتب لا يتعدي 100 الف جنيه سوداني
لمن زول يسالتي يقول راتبكم في الحكومه كم الفضيحه قاعده تمسكنا؛ انتم الفضيحه لاتعني لكم شيء سبحان الله؛ نسال الله بس الفضيحه والحياء يمسكم حتي لو ما راعيتو رواتب شمال دارفور
الترقيات واقفه تماما اي حاجه واقفه بس الشغال عندكم وبكل فلاحه وسرعه نزول العامل لمن يصل سن 60
من الحاجات المضحكه في واحد عاطل ما شغال لا في حكومه لا في اعمال حره سالني قال لي مرتبك كم قلت ليهو 53 الف ضحك وصفق يديهو قال دي لو ادوني ليها برجعه ليهم لا حظ ده زول عاطل عن العمل.
رسالتي امل باذن الله ان تصلكم وتخجلو وتستجيبوا لمطالبنا المشروعة لصرف مستحقاتنا المالية نسبة لحوجتنا ونحن نعول اسر في هذه الظروف الصعبة.
ابوعبيدة عمر خلف الله
موظف بمستشفى الفاشر التعليمي
